Script 1
[Ky regjistrim do të përdoret në një IVR. Kemi nevojë që të jetë shumë tërheqës]
Përshëndetje! Faleminderit që telefonuat kompaninë tonë! Mënyra më e mirë për të pasur zërin perfekt për projektin tuaj në çdo gjuhë!
Për të mësuar më shumë rreth kompanisë, shtypni një.
Nëse doni të paraqitni një projekt ose të flisni me stafin e shitjeve, shtypni dy.
A keni nevojë për ndihmë nga skuadra jonë për menaxhimin e prodhimit?
Nuk ka problem! Ju lutem shtypni tre.
Për pyetjet lidhur me cilësinë, shtypni katër.
A keni ndonjë ide? Ndonjë sugjerim? Do të na pëlqente shumë t’i dëgjonim! Shtypni pesë.
[Ju lutem ta lexoni këtë sikur të ishit duke pëshpëritur] Psst! A doni të jeni pjesë e skuadrës?
[Kthehuni te zëri i mëparshëm] Jemi duke punësuar njerëz!
Ju lutem vizitoni faqen tonë të internetit për të mësuar më shumë për vendet e reja të punës!
Script 2
[Ky regjistrim do të përdoret në videon e fushatës sonë të marketingut. Na duhet të jetë diçka epike, interesante dhe pak misterioze.]
Në një botë ku regjistrimet me zë ishin të vështira të gjendeshin. Në një botë ku ishte e vështirë dhe e kushtueshme të ndiqje karrierë në aktrimin me zë, kemi vendosur të fillojmë një revolucion!
Udhëtimi nuk ka qenë i lehtë, por jemi më të fortë se kurrë.
Hap pas hapi kemi krijuar një shërbim digjital për ta sjellë industrinë e regjistrimit të zërit në shtëpinë tuaj. Ju kemi përfshirë në këtë mision dhe mbështetemi te ju për të marrë pjesë në këtë ëndërr.
Nuk ka më kthim mbrapa.
Ne erdhëm, ndryshuam botën dhe [Bëni një ndalesë të shkurtër këtu] nuk do të largohemi.
Po e sjellim industrinë e regjistrimit të zërit në duart tuaja.
Script 3
[Ky regjistrim do të përdoret në videon tonë për produktin. Na duhet të jetë diçka plot energji, interesante dhe e rrjedhshme]
Pse ne jemi zgjidhja më e mirë për regjistrimin e zërave profesionalë?
Si fillim, ne ofrojmë regjistrimet e zërave me cilësinë më të lartë, të cilat kontrollohen nga skuadra jonë e Kontrollit të Cilësisë. Përveç kësaj, numri i madh i artistëve të zërit ofron mijëra mundësi për ju në shumë gjuhë, stile dhe çmime të ndryshme! Mbi të gjitha, projektet tona mbulohen nga Garancia e Kënaqësisë, pra nëse nuk jeni të kënaqur me rezultatin, skuadra jonë e menaxhimit të prodhimit do të ndërhyjë dhe do t’ju kthejë paratë. [Bëni një ndalesë të shkurtër pas çdo fjale] Pa ju bërë asnjë pyetje
Jemi shumë të fiksuar pas kujdesit ndaj klientit; skuadra jonë është e gatshme për t’ju ndihmuar. Ne sigurohemi që përvoja juaj me ne të jetë e këndshme, profesionale [Bëni një ndalesë të shkurtër këtu] dhe argëtuese!